गुढीपाडव्याच्या निमित्ताने संगमनेरात महिलांची अति भव्य शक्ती मिरवणूक

संगमनेर 

दि. २२ फेब्रुवारी २०२६

Sangamner येथे वर्षारंभ व गुढीपाडवा निमित्त आज महिलांची अति भव्य व दिमाखदार शक्ती मिरवणूक काढण्यात आली. ही मिरवणूक चंद्रशेखर हिंदू मित्र मंडळ परिसरातून प्रारंभ करण्यात आली.

या मिरवणुकीमध्ये महिलांनी भगवे फेटे, पारंपरिक नऊवारी साड्या परिधान करून मोठ्या संख्येने सहभाग नोंदविला. विशेष म्हणजे अनेक महिलांनी मोपेड, एक्टिवा व इतर दुचाकी वाहनांवरून सहभाग घेतल्याने मिरवणूक अधिक आकर्षक ठरली. शहरात सर्वत्र उत्साहाचे व पारंपरिक वातावरण पाहायला मिळाले.

मिरवणुकीदरम्यान महिलांचा आत्मविश्वास, एकजूट आणि सांस्कृतिक अभिमान यांचे प्रभावी दर्शन घडले. नागरिकांनी ठिकठिकाणी उभे राहून या मिरवणुकीचे स्वागत केले.

इतिहासाच्या दृष्टीनेही संगमनेरच्या महिलांनी आपली ताकद वेळोवेळी सिद्ध केली आहे. इंग्रजांच्या काळात याच चंद्रशेखर चौकात महिलांनी मारुतीरायाचा रथ ओढून आपल्या संघटित शक्तीचे दर्शन घडवले होते. त्याच परंपरेचा वारसा जपत आजच्या महिलांनीही तितक्याच जोमाने सहभाग नोंदविला.

“सौ शहरी एक संगमनेरी” या उक्तीप्रमाणे संगमनेरच्या महिलांनी सामाजिक व सांस्कृतिक क्षेत्रात आपली वेगळी ओळख निर्माण केली आहे. या मिरवणुकीतून महिलांची सशक्त, करारी व नेतृत्वक्षम भूमिका पुन्हा अधोरेखित झाली.

संपूर्ण मिरवणूक अत्यंत शिस्तबद्ध व उत्साहपूर्ण वातावरणात पार पडली असून, गुढीपाडव्याच्या सणाला यामुळे विशेष रंगत प्राप्त झाली आहे. या उपक्रमामुळे संगमनेरच्या सांस्कृतिक परंपरेला नवचैतन्य लाभल्याची भावना नागरिकांकडून व्यक्त करण्यात येत आहे.